Jiennagoahti (lyttegamme/listening lodge) – An artwork dedicated to listening in the Bergen Mountains is an art project initiated by artist Elin Már Øyen Vister in dialogue with Sami artist and architect Joar Nango. Together with Lydgalleriet and Bergen Sámiid Searvi (Bergen Sami Association), the artists have realized the project from idea to completion.
Dáiddáriid jurdda ja sávaldat lea ahte Jiennagoahti galgá leat earenoamáš latnja gos guldala sámi jietnadáidaga, sesolaš musihka, poesiija, girjjálašvuođa ja musihka. Dat galgá maiddái leat báiki gos čiekŋalit smiehtada ja servvoštallá ja gos kultuvrralaš ovdanbuktimiid sáhttá vásihit dasttán luonddu lahka. Luondu čatnasa čoavdemeahttumit sámi kultuvrii, ja sajusteapmi Birggona Byfjellene váriide muittuha mo luonddu iešárvu čatnasa čoavdemeahttumit kultuvrralaš árvui.
Danne galgá Jiennagoahti maiddái leat báiki máidnasiidda ja muitalusaide jáktajohtolaga birra davil Birggonii, lonohallamii mii jahkečuđiid čađa lea dáhpáhuvvan Birggona ja Sámi gaskkas. Gálvvuid lonohallan, muhto maiddái ideaid, dáidaga, girjjálašvuođa, musihka ja gielaid lonohallan mii lea hábmen goappašiid báikkiid. Jiennagoahti lea dáiddaprošeakta mas lea máŋggakultuvrralaš perspektiiva ja mii gidde fuopmášumi Torrfjellet vári báikkálaš ekologiijai.
Jiennagoahti lea huksejuvvon árbevirolaš bealljegoahtin, man teknihkalaš ráhkadusas vástida Sámihouse AS Deanus. Goađi leaba Sámihouse fitnodaga Ole Muosát ja Dan Henrik Heiberg ceggen Torrfjelletii, ovttas dáiddalaš vásttolaččain, buvttadeddjiin ja eaktodáhtolaččaiguin miessemánus 2022. Jietnadáiddabarggut mat leat Jiennagoađis gaskkustuvvojit earenoamážit ráhkaduvvon goahterusttega bokte, mii doaibmá beaivvášsealla buvttadan elrávnnjiin. Rusttega lea Norsk Radiofabrikk Paal Rasmussen bokte ráhkadan.
Jiennagoahti – dáiddabargu mii lea heivehuvvon guldaleapmái Birggonváris lea gaskaboddasaččat ceggejuvvon pilohtan, ja lea ovttasbargu Birggon gieldda gávpotbirasetáhtain. Prošeavtta lea dorjon KORO – Kunst i offentlig rom (dáidda almmolaš lanjas) vuođuštusain ahte prošeakta doaivu movttiidahttit ođđa dutkamii ja dieđu ja máhtu juogadeapmái Sámi ja Birggona birra. Prošeakta lea velá ožžon doarjaga Birggona gielddas, Vestlándda fylkkagielddas, Sámedikkis ja Kulturráđis.
Praktihkalaš dieđut: Beassan: Fløyen rájes lea merkejuvvon galbbaiguin – geahčastala oainnátgo galbbaid main lohká Jiennagoahti. Kártaliŋka https://maps.app.goo.gl/gAgfMe4Ttfiqv2pNA
Jiennagoahti lea rabas olbmuide luohttámuššii vuođđuduvvon diŋgonvuogádaga bokte.
Jiennagoahti is available for public visits through a trust-based booking system, contact booking@jiennagoahti.art for more information!
Geahčastala oainnátgo galbbaid Fløyenis (Birggonis)
Don sáhtát johtit Føibanen dahje vázzit bajás.
Kártaliŋka: https://maps.app.goo.gl/
Varraseamos áigeguovdilastimiid dihtii, geahčas Instagram dahje min program page.
SE 
EN 
NB